Քիմ Քարդաշյանն ամուսնուն մշտապես վերահսկելու համար հատուկ մասնագետներ է վարձել. Radar Online
Չնայած այն բանին, որ ամերիկահայ հեռուստաաստղ Քիմ Քարդաշյանն ու իր ամուսինը՝ ռեփեր Քանյե Ուեսթը, վաղուց ակնարկում են հնարավոր ամուսնալուծության մասին, զույգը կարծես շարունակում է կոնֆլիկտները խաղաղ լուծելու ճանապարհ փնտրել: Վերջերս լրագրողները պարզել են, որ հեռուստաաստղն ամուսնուն հետևելու համար մասնագետների է դիմել, գրում է Radar Online հարթակը:
Վերջին շրջանում Քիմի ու Քանյեի ընտանեկան խնդիրներն արտասահմանյան լրատվամիջոցների ամենաքննարկված թեմաներից են: Քանյեն անձամբ խոստովանել է, որ հեռուստաաստղը փորձել է հեռանալ իրենից:
Լուրեր են շրջանառվում այն մասին, որ ռեփերը նյարդային անհավասարակշիռ վիճակում է հայտնվել: Աղբյուրի լրագրողները պարզել են, որ Քիմը վախենում է ամուսնու անհավասարակշիռ քայլերից և մասնագետների թիմ է վարձել, որոնք օրը 24 ժամ հսկում են Քանյեին, քանի որ ինքը չափազանց զբաղված է լինում և ժամանակ չունի:
«Նրանք հետևում են Ուեսթին, նույնիսկ երբ նա հարևան սենյակում քնած է կնոջ կողքին»,- գրում է լրատվամիջոցը: