«Ռուսաստանը կանի ամեն բան, որ Իրանը չտուժի ԱՄՆ նոր պատժամիջոցներից». ՌԴ փոխարտգործնախարար
Ռուսաստանը կանի ամեն բան, որ Իրանը չտուժի ԱՄՆ նոր պատժամիջոցներից: Այդ մասին հայտարարել է ՌԴ փոխարտգործնախարար Սերգեյ Ռյաբկովն իրանցի իր գործընկեր Աբաս Արաքչիի հետ հանդիպման ժամանակ, գրում է gazeta.ru-ն:
«Մենք տրամադրված ենք անել առավելագույնը, որպեսզի Իրանի Իսլամական Հանրապետության դիրքերն ամրանան, որպեսզի ԱՄՆ իշխանությունների սահմանած նոր պատժամիջոցները բացասական հետևանքներ չունենան», - ասել է Ռյաբկովը՝ հավելելով, որ Ռուաստանը հավատարիմ է մնում Իրանի հետ միջուկային համաձայնագրին և մտադիր է անել հնարավորը Գործողությունների համատեղ համապարփակ ծրագրի պահպանման համար:
Հիշեցնենք, որ Իրանի դեմ պատժամիջոցների նոր փաթեթն ԱՄՆ-ն գործի է դրել այս տարվա նոյեմբերի 5-ից: Դեռևս մայիսին ԱՄՆ նախագահ Դոնալդ Թրամփը հայտարարել է Իրանի հետ միջուկային համաձայնագրից դուրս գալու մասին: