Таълим вазирлиги ота-оналардан ёзма кафолатлар талаб этиш нотўғри эканлигини эслатди
Вазирлик баёноти ижтимоий тармоқда пойтахт мактабларининг бирида ўқувчиларнинг қишки таътил кунларида ота-оналардан фарзандларининг ўзларини қандай тутишлари кераклиги ҳақида талаб қилинган кафолат хати сурати тарқалгани билан боғлиқ.
Хатда таъкидланишича, ота-оналар ўғил-қизларининг компьютер клубларига бормаслиги, пиротехника воситаларини сотиб олмаслиги, улардан фойдаланмаслиги, шунингдек, жамоат тартибини бузмаслиги, ҳамда гуруҳ, оммавий тартиббузарликларда қатнашмаслиги, ҳуқуқбузарлик, жиноятчилик содир этмаслигини кафолатлайди.
Вазирлик Ўзбекистон Республикаси Оила кодексининг 73-моддасида ота-оналар фарзандларини тарбиялашга масъул эканлиги баён этилган. Улар фарзандларининг саломатлиги, ақлий, жисмоний, маънавий ва ахлоқий ривожланиши учун ғамхўрлик қилишлари шартлигини, шу боисдан ҳам, ота-оналардан ноқонуний равишда ёзма кафолатларнинг талаб этилиши нотўғри ҳисобланишини эслатган.