უზბეკეთი და ყაზახეთი თებერვლიდან აპირებენ აამოქმედონ პროგრამა სახელწოდებით, „აბრეშუმის ვიზა“. ამ პროგრამით, უცხოელს, რომელსაც ამ ორი ქვეყნიდან ერთ-ერთის ვიზა აქვს, შეეძლება მეორეშიც იმოგზაუროს. ამის თაობაზე განაცხადა უზბეკეთის ტურიზმის სახელმწიფო კომიტეტის ხელმძღვანელის მოადგილის მოვალეობის შემსრულებელმა, ულუგბექ ყოსიმჰოჯაევმა. ტაშკენტში, 20 დეკემბერს მან რეპორტიორებს უთხრა, რომ პროგრამის მიზანი რეგიონში ტურიზმის განვითარებაა. მისი თქმით, შუა აზიის კიდევ ორმა სახელმწიფომ, ყირგიზეთმა და ტაჯიკეთმა გამოთქვეს პროგრამაში ჩართვის სურვილი. ადრე ყაზახეთმა გამოაცხადა, რომ ცილობს ამ პროგრამით დააინტერესოს აზერბაიჯანი და თურქეთი. „აბრეშუმის ვიზა“ პროგრამის ინიციატორებს სურთ მომავალში პროგრამამ „შენგენის ვიზის“მსგავსად იმოქმედოს.
