20 декабрь куни "Халқлар дўстлиги" санъат саройида "Мавсум хитлари" мукофотининг тақдирлаш маросими бўлиб ўтди. Маросимда йил давомида энг оммалашган қўшиқлар мукофотга лойиқ деб топилди. Дастур аввалида йил давомида "Ўзбекконцерт" давлат муассасасининг тадбирларида фаол қатнашган санъаткорлар диплом билан тақдирланди. Хонанда Алишер Файзнинг "Жанон", Шаҳзоданинг "Мен ўша", Улуғбек Раҳматуллаевнинг "Бемеҳргинам", Сардор Мамадалиевнинг "Бевафо" номли қўшиқлари "Мавсум хитлари" деб топилди. Баҳром Назаровнинг "Юраксиз", Жасур Мавлоновнинг "Бевафо", Муниса Ризаеванинг "Овуна" каби қўшиқлари ҳам "Мавсум хитлари" мукофотига эга бўлди. Ғолибларга диплом-статуэтка ҳамда "Мавсум хитлари" ҳайкалчаси топширилди.
