ძალოსანი ლაშა ტალახაძე საქართველოს 2018 წლის საუკეთესო სპორტსმენად დაასახელეს
წლის სპორტსმენი ქალის ჯილდო ასევე ძალოსან ანასტასია გოტფრიდს ერგო. საუკეთესო მწვრთნელად დასახელდა გენო პეტრიაშვილის აღმზრდელი ნუგზარ სხიერელი, საუკეთესო ახალგაზრდა სპორტსმენად - ბერძნულ-რომაული სტილით მოჭიდავე გიორგი ჩხიკვაძე, რომელიც წლეულს ახალგაზრდულ ოლიმპიურ თამაშებზე გახდა ჩემპიონი. სპორტის ზამთრის სახეობის წარმომადგენელთაგან გიორგი რევია და მარია კაზაკოვა გამოარჩიეს. 2018 წლის აღმოჩენა კი ნუგზარ წურწუმია (ბერძნულ-რომაული ჭიდაობა) გახდა.