Рускоска: Амнестијата ќе ги спаси Мукоски, Василевски, Тарчуловски...,а Дамовски, Бетмен, Дурловски не ги исполнуваат условите

Обвинителката Вилма Рускоска во вечерашното интервју во емисијата „360 степени“ на Алсат изјави дека веќе се поставени контурите кој од обвинетите за настаните во Собранието од 27 април ќе опфати амнестијата.


Рускоска е сигурна дека законот ќе ги спаси од затвор пратениците Љубен Арнаудов, Крсто Мукоски, Сашо Василевски, Јохан Тарчуловски и Љупчо Димовски, како и двајцата обвинети од кабинетот на тогашниот претседател на Собранието.


Обвинителката, како што рече, лично смета дека организаторите на протестите „За заедничка Македонија“, Борис Дамовски, Богдан Илиевски - Бетмен, Игор Дурловски и Владо Јовановски не ги исполнуваат условите за да бараат амнестија.