დღეს დაიწყო საქართველოს პრემიერ-მინისტრის ოფიციალური ვიზიტი ლიეტუვაში. მამუკა ბახტაძეს ვილნიუსის საერთაშორისო აეროპორტში დახვდა ლიეტუვის რესპუბლიკის თავდაცვის მინისტრი რაიმუნდას კარობლისი. დღეს საქართველოს პრემიერ-მინისტრი მოლაპარაკებას გამართავს ლიეტუვის პრემიერ-მინისტრთან, საულიუს სკვერნელისთან. დაგეგმილია მამუკა ბახტაძის შეხვედრა ლიეტუვის პრეზიდენტთან დალია გრიბაუსკაიტესთან. საქართველოს პრემიერ-მინისტრი ესტუმრება ვილნიუსის უნივერსიტეტს, სადაც სტუდენტების შეკითხვებს უპასუხებს. მამუკა ბახტაძესთან ერთად ვილნიუსში იმყოფებიან საგარეო საქმეთა მინისტრი დავით ზალკალიანი და პარლამენტის წევრი, ლიეტუვის პარლამენტთან მეგობრობის ჯგუფის ხელმძღვანელი ბექა ოდიშარია.
