«Ահասկանալի է պարգևավճարների շուրջ բարձրացված աղմուկը». Լոռու մարզպետ
«Ազատության» հետ զրույցում, մարզպետն ասաց, որ ամեն ինչ արվել է օրենքի շրջանակում։
«Մենք պարգևատրել ենք աշխատավարձի 30 տոկոսի չափով և բոլորին։ Եղել են 28, 25, 27 տոկոս, բայց հիմնականում 30 տոկոսի չափով և պարգևատրել ենք բոլոր աշխատակիցներին», - «Ազատության» հետ զրույցում ասաց Լոռու մարզպետ Անդրեյ Ղուկասյանը՝ շարունակելով. - «Աշխատավարձի ֆոնդում մենք ունեցել ենք 30 տոկոսի չափով գումար, կարողացել ենք այդ չափով պարգևատրել, և դա եղել է բոլոր տարիներին, հետևաբար այս անգամ ուղղակի անհասկանալի է բարձրացրած աղմուկն այս հարցի հետ կապված»։
Մամուլում տեղեկությունները տարածվեցին, որ մի շարք մարզպետներ պարգևավճարներ են տվել մարզպետարանների աշխատակիցներին։
Այսօր Ազգային ժողովում՝ ճեպազրույցների ժամանակ, անդրադառնալով այս հարցին «Իմ քայլը» խմբակցության ղեկավար Լիլիթ Մակունցը հայտարարեց, որ «մարզպետները գործել են օրենքով սահմանված կարգով, չեն գերազանցել լիազորությունները, գործել են այնպես ինչպես օրենքը թույլատրում է»։