ბელგიის საგარეო საქმეთა მინისტრი: ვნახავთ, შესაძლებელია თუ არა საქართველოსთან „რეალური ინტეგრაცია“

ბელგიის საგარეო საქმეთა მინისტრი, დიდიე რეინდერსის განცხადებით, ევროკავშირი, ისევე როგორც ნატო, განაგრძობს საქართველოსთან თანამშრომლობას და ნახავს, „შესაძლებელია თუ არა საქართველოსთან რეალური ინტეგრაცია ისე, რომ კვლავაც მასთან ერთად" იმუშაონ ევროკავშირმა და ნატომ.


ბელგიელმა მინისტრმა ეს განცხადება გააკეთა ბრიუსელში, ევროკავშირის მინისტერიალის დაწყებამდე ჟურნალისტებთან საუბრისას. მან ხაზი გაუსვა საქართველოს აქტიურ მონაწილეობას სხვადასხვა სამხედრო მისიაში.