Նովակ Ջոկովիչը դուրս եկավ Australian Open-ի քառորդ եզրափակիչ
Աշխարհի առաջին ռակետ Նովակ Ջոկովիչը դուրս եկավ Ավստրալիայի Բաց առաջնության 1/4 եզրափակիչ:
Սերբ թենիսիստը 1/8 եզրափակչում 6:4, 6:7 (5:7), 6:2, 6:3 հաշվով առավելության հասավ Ռուսաստանի ներկայացուցիչ Դանիլ Մեդվեդևի նկատմամբ:
3 ժամ 15 րոպե տևած հանդիպման ընթացքում Ավստրալիայի Բաց առաջնության հնգակի չեմպիոնի ակտիվում գրանցվեց 6 էյս, 5 կրկնակի սխալ, 7 բրեյք-փոինթ, իսկ Մեդվեդևի ակտիվում՝ 6 կրկնակի սխալ, 2 բրեյք:
Սա թենիսիստների երկրորդ հանդիպումն էր և Ջոկովիչի երկրորդ հաղթանակն այս դիմակայությունում:
Հավելենք, որ կիսաեզրափակիչ փուլի ուղեգրի համար Նովակ Ջոկովիչը պայքարելու է ճապոնացի Կեի Նիսիկորիի հետ, ով ավելի վաղ հաղթել է իսպանացի Պաբլո Կարենյո-Բուստային: