ჯონ ჰოუელი: "შესანიშნავია" საქართველოს პრეზიდენტად ქალის არჩევა

ევროსაბჭოს საპარლამენტო ასამბლეის ბრიტანელი წევრის, ჯონ ჰოუელის აზრით, "შესანიშნავია" საქართველოს პრეზიდენტად ქალის არჩევა. მისი აზრით, გასათვალისწინებელია, რომ ქვეყანაში რთული ვითარებაა პოლიტიკურ ცხოვრებაში ქალთა მონაწილეობის მხრივ.


ჰოუელმა თქვა ასევე, რომ ხედავს სხვაობას შეფასებებს შორის, რომლებსაც საქართველოში საპრეზიდენტო არჩევნების შესახებ გამოთქვამენ ევროსაბჭოს საპარლამენტო ასამბლეისა და აშშ-ის სახელმწიფო დეპარტამენტის სადამკვირვებლო მისიები.


ასამბლეის მეთვალყურეების ანგარიშში ნათქვამია, რომ აღირიცხა „ცალკეული ძალადობრივი ინციდენტები“ მაშინ, როდესაც სახელმწიფო დეპარტამენტის ანგარიშიდან ასეთი შთაბეჭდილება არ დამრჩენიაო, დასძინა მან საპარლამენტო ასამბლეის ზამთრის სესიაზე გამოსვლისას.


ჰოუელი ევროპელ კონსერვატორთა ჯგუფის (EC) წევრია.