بریتانیه به د المپیک لوبو د امنیت لپاره ۱۲۰۰ اضافي سرتیري وګماري
د المپیک د چارو لپاره د بریتانېې د کابینې وزیر جیرني هنټ وویل، د دغو لوبو پیل ته دوه ورځې پاتې او چارواکي نه غواړي چې هر څه تصادف ته پریږدي.
خو نوموړي ټینګار وکړ، چې د اضافي سرتیرو ګمارل په دې معنې نه ده چې ګواکې دغو لوبو ته کوم ګواښ موجود دی.
څه د پاسه اتلس زره امنیتي پرسونل او سرتیري د لندن د المپیک د نړېوالو لوبو د امنیت لپاره چمتو شوي دي.
ټاکل شوې چې دا لوبې راتلونکې جمعه په رسمي توګه پیل شي.