როგორია იმ დედების გამოცდილება, რომლებსაც მშობიარობის შემდგომი პირველივე წუთებიდან უწევთ შვილის ინტერესებისთვის ბრძოლა როგორც სახელმწიფოს, ისე საზოგადოებისა და ექიმების წინააღმდეგ − მხოლოდ იმიტომ, რომ მათი შვილები „შეზღუდული შესაძლებლობებით“ დაიბადნენ? რა იცის და როგორ ექცევა საზოგადოება დაუნის სინდრომის მქონე ბავშვებს თუ ზრდასრულ მოქალაქეებს? მაინც, რას ნიშნავს „შეზღუდული შესაძლებლობების“ ქონა და, სამედიცინო განსაზღვრების მიღმა, რამდენად განაპირობებს ასეთ მდგომარეობას პოლიტიკური და სოციალური ფაქტორები? ინტერVIEW-ს მორიგ გამოშვებაში სალომე ასათიანი ამ და სხვა საკითხებზე ესაუბრება საქართველოს დაუნის სინდრომის ასოციაციის თანადამფუძნებელს, ნათია ქუტიძეს.
