Янган фатирдан ике ир-атны коткарганнар
Зыян күрүчеләрне ашыгыч медицина ярдәме күрсәтү машинасына тапшырганнар.
Минзәләдә Изыскателей урамындагы йортта янгын чыга. Хәбәр тапшырылганда полиция экипажы якында була. Алар килгәндә беренче каттагы фатир ялкынланып яна. Ишектән алар ярдәм сораган тавыш ишетә. Полиция хезмәткәрләре янган бүлмәгә кереп китә һәм фатир хуҗасы белән аның күршесен алып чыга. Ир-атларның икесе дә нык пешә.