Туй алып баручы мәҗлес вакытында кәләшне талаган
Кәләшкә килгән зыян 50 мең сумнан артып китә.
Чувашиянең Батыр районында була бу хәл. Кәләшнең туй вакытында алтын бизәнү әйберләре һәм кыйммәтле айфон салынган сумкасы – клатч юкка чыга. Эзләнү-тикшеренү вакытында шик Татарстанның 24 яшьлек артистына төшә. Нәкъ менә аны туй алып бару өчен яллаган булалар. Аны конвой белән Чувашиягә алып киләләр. Артистка карата җинаять эше кузгатылган, дип хәбәр итә “Татар-информ” .