Районда чәчү бара
Районыбыз кырларында сабан культураларын чәчү эше башланды.
Авыл хуҗалыгы идарәсеннән алынган мәгълүматтан күренгәнчә, 5 май көненә 8 мең 932 гектарда чәчү башкарылган, шуның 5 мең 997 гектары язгы бөртеклеләр, бу барлык мәйданның 23 проценты дигән сүз.
Сабан бодае - 780, арпа - 4 мең 621, солы 596 гектарда чәчелгән. Шикәр чөгендере 585 гектарда утыртылган, ә маллар өчен берьеллык үлән белән азык кушылмасын 2 мең 350 гектарда чәчкәннәр.