Тимер-томыр кабул итү пунктына урланган ике машина тапшырган
Ишегалдында калдырылган автомобильнең югалуы турындагы хәбәр полиция бүлегенә гыйнвар азагында ук керә.
Казанның Идел буе районында яшәүче матди зыянны 20 меңнән артык сум белән бәяли. Тикшерү-эзләү чаралары нәтиҗәсендә полиция хезмәткәрләре әлеге җинаятьтә шикле дип табылган бер кешене тоткарлый. 24 яшьлек егетнең март уратсында кылынган нәкъ шундый ук җинаятьтә катнашы булуы да ачыклана. Гаепле юл кырыенда калдырылган машиналарга күптән игътибар итүен сөйли. Алардан беркемнең дә файдаланмаганын аңлагач, ул акча эшләмәкче була һәм тимер-томырга тапшыра. Хәтта транспорт чараларын утильләштерү турында ялган белешмә дә әмәлли.