“Зәй агрофирмасында “Крокодил” үстерәчәкләр
“АгроКөч-Төркеме” ЯАҖ соңгы дүрт елда “Зәй” агрофирмасында гибридлар белән эшләүне сыный. Әлеге агрофирманың “Шепкә-Нур” бүлекчәсенең Аксар авылы башындагы басуга сынап карау шарты белән “Крокодил” сортлы чөгендер утыртыла. Бу хуҗалыкта гибридлар сыныйбыз, ди “АгроКөч-Төркеме” ЯАҖнең әйдәп баручы агрономы Наил Вәлиев. Биредә гибридлар сынау очраклы түгел. Иң мөһиме, аның нәтиҗәсе бар: узган ел әлеге агрофирмада чөгендер уңышы гектарыннан 470 центнер тәшкил иткән иде.