Պուտինը ցանկանում է Թրամփից առաջ անցնել Հյուսիսային Կորեայի շուրջ խաղում. Foreign Policy
Հյուսիսային Կորեայի առաջնորդ Կիմ Չեն Ընի հետ հանդիպումը Ռուսաստանի նախագահ Վլադիմիր Պուտինի վերջին փորձն է թուլացնելու ԱՄՆ-ի դիրքերը համաշխարհային ասպարեզում:
Նման հոդված է հրապարակել Foreign Policy-ն՝ նշելով, որ Պուտինն այսկերպ փորձում է վերադարձնել իր երկրի դիվանագիտական հզոր կերպարը՝ դրա համար օգտագործելով ԱՄՆ-ի թուլությունը:
Պարբերականը նշում է, որ Կիմ Չեն Ընի հետ բանակցություններում ԱՄՆ նախագահ Դոնալդ Թրամփի գրանցած անհաջողությունից հետո Պուտինն իր հնարավորությունն է ստանալու այս ամսվա վերջին, երբ, ինչպես ակնկալվում է, կայանալու է երկու առաջնորդների հանդիպումը:
Հիշեցնենք, որ Կրեմլը օրեր առաջ հայտարարել էր, որ Պուտինն ու Կիմ Չեն Ընը կհանդիպեն ապրիլի երկրորդ կեսին: