Әлмәттә наркотик саклаучы тоткарланган
Әлмәтнең ведомстводан тыш каравыл идарәсе полицейскийлары шәһәрдә яшәүче, беркайда да эшләмәүче 35 яшьлек ирне тоткарлыйлар.
Элек тә хөкем ителгәне булган бу адәмдә 1,16 грамм мәк саламы экстракты табып алына.
Хәзер аңа карата «Наркотикларны законсыз саклаган өчен» маддәсе буенча җинаять эше кузгатылды, дип хәбәр итә ТР буенча ЭЭМның ведомстводан тыш каравыл идарәсе.