Зәйдә быел 85 мең төп чәчәк утыртылачак
Зәй “Горзеленхоз” җаваплылыгы чикләнгән ширкәте эшчеләре Җиңүнең 70 еллыгы уңаеннан Җиңү бульварына 3 мең 100 төп чәчәк утырткан иде. Ширкәт бүгенге көндә шәһәрнең башка чәчәклекләре, клумба-газоннарын чәчәк утыртуга әзерләү белән мәшгуль. Киләсе атна башыннан аларга чәчәк үсентеләре утырта башлаячакбыз, ди ширкәт җитәкчесе Алексей Плешков. Гомумән алганда, быел ширкәт тарафыннан шәһәребездә 85 мең төп чәчәк: вербена, виола, агиратум, петуния, бәрхет гөле һ.б.лар утыртылачак.