Зәй яшь бил алышучыларны үзенә җыя

Зәй - көрәшчеләре белән данлыклы төбәк. Сармашбаш авылы көрәшчеләре бертуган Илсур белән Мансур Минһаҗевлар - 80нче елларда ирекле көрәш буенча СССРның спорт остасы исеменә лаек булды. 16 майда Мансур Минһаҗевның 50 яшьлек юбилее уңаеннан грек-рим көрәше буенча “Зәй” спорт мәктәбе ачык беренчелеге узачак. Анда төрле үлчәү авырлыгында яшүсмерләр бил алышыр дип көтелә.