Лениногорск районында партия эчендә сайлаулар үтте
Шушы көннәрдә Шөгер, Иске Шөгер, Керкәле һәм Сугышлы авылы җирлекләрендә районда беренче тапкыр партия эчендәге сайлаулар үтте, дип хәбәр итә муниципалитет сайты.
Һәр җирлектә алдан тавыш бирүдә җитәкчеләр, авыл җирлеге башлыклары, эшмәкәрләр, укытучылар, социаль хезмәткәрләр, иҗтимагый оешма вәкилләре катнашты. Партия эчендәге сайлауның беренче көнендә Татарстан Республикасы Дәүләт Советы депутаты Илдус Касыймов катнашты. Районда партия эчендәге сайлауда 918 сайлаучы катнашачак. Ул шәһәрдә һәм 24 авыл җирлегендә үтә.