Թիվ 44 երթուղու ավտոբուսում կատարված գողությունը բացահայատվել է
Մայիսի 19-ին, ժամը 18.30-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Ֆրանսիայի հրապարակից գողություն կատարելու կասկածանքով ոստիկանության Կենտրոնական բաժին բերման են ենթարկել 1998 թ. ծնված Խաչիկ Ս.-ին, ում մոտից անձնական խուզարկությամբ հայտնաբերվել է կանացի դրամապանակ:
Պարզվել է, որ նա դրամապանակը գողացել է մայիսի 18-ին, ժամը 17.00-ին, թիվ 44 երթուղու ավտոբուսի սրահում գտնվող մի անծանոթուհու պայուսակից: Ձեռնարկված միջոցառումների շնորհիվ ոստիկանները պարզել են քաղաքացուհու ինքնությունը: Գողոնը վերցվել է: Կատարվում է քննություն: