Ջոկո Վիդոդոն վերընտրվել է Ինդոնեզիայի նախագահի պաշտոնում

Ինդոնեզիայի նախագահ Ջոկո Վիդոդոն հաղթել է երկրի նախագահական ընտրություններում և պաշտոնավարման երկրորդ ժամկետը կանցկացնի: Այս մասին տեղեկացնում է vesti.ru-ն:

Երկրի Կենտրոնական ընտրական հանձնաժողովը հրապարակել է ընտրությունների վերջնական արդյունքները: Վիդոդոյի օգտին է քվեարկել ընտրողների 55,5 տոկոսը: Նրա միակ մրցակից, ընդիմադիր Պրաբովո Սուբիանտոն ստացել է ձայների 44,5 տոկոսը:

Հիշեցնենք, որ Ինդոնեզիայում ապրիլի 17-ին տեղի են ունեցել պատմության մեջ խոշորագույն համընդհանուր ընտրությունները: Նախագահի ընտրություններն անցկացվել են մեկ փուլով, հաղթելու համար պահանջվել է ձայների պարզ մեծամասնությունը: