Formula 1 çempionu Niki Lauda vəfat edib
Ailənin sözçüsü avstriyalı idmançının mayın 20-də ailəsinin əhatəsində, yuxuda vəfat etdiyini bildirib.
Lauda-ya ötən il ağciyər köçürülmüşdü. O, yanvarda qripə görə xəstəxanada yatmışdı. Öncəki illər ona iki dəfə böyrək köçürülüb.
Lauda 1975 və 1977-ci illərdə Ferrari komandasının, 1984-cü ildə isə McLaren-in tərkibində dünya çempionluğu qazanır, bir il sonra yarışlardan çəkilir.
1976-cı ildə Almaniya Qran Prisi yarışlarında qəza zamanı Lauda başından ağır zərbə alır, ağciyərləri zəhərlənir.
O, 1979-cu ildə yaratdığı Lauda Air hava yolları şirkətini 1990-cı illərdə satır.