Բրիտանիայում մեղուները գրոհել են սուպերմարկետի մոտ կայանված մեքենան. իրավիճակը փրկել է այնտեղ գնումներ կատարող մեղվապահը

Բրիտանիայի սուպերմարկետներից մեկի կայանատեղիում կայանված մեքենան մեղուների գրոհի «զոհ» էր դարձել:

Ինչպես հայտնում է Fox News-ը, մարդիկ հեռու էին փախչում՝ տեսնելով մեքենան, սակայն այդ նույն սուպերմարկետ գնումների եկած մեղվապահը շտապել է օգնության: Նա նետվել է տուն, հագել իր պաշտպանիչ հանդերձանքն ու վերադարձել:

Ռիք Քորնուոլը հատուկ վրձնի օգնությամբ մեղուներին տեղափոխել է հատուկ արկղերի մեջ՝ ազատելով մեքենան միջատներից:

Նրա խոսքով՝ մեղուները գտնվում են տեղափոխման փուլում, և պարսերով հավաքվելը բնական է: Մասնագետը նշել է նաև, որ մեղուները խայթում են միայն, երբ կատաղում են: Դա նրանց համար պաշտպանական գործառույթ է: