Район сабантуе башка көнгә күчерелде

Район сабантуен 13 июньдә бәйрәм итәчәкбез

 

Район сабантуе 13 июньгә билгеләнгән. Ә кичке сабантуй бу көнгә каршы, ягъни 12 июньдә булачак. 

Кече сабантуйларны кайбер авылларда да үткәрергә җыеналар. Мәсьәлән, Иске Алпарда сабантуй 6 июньдә 10.00 сәгатьтә Чирмешән буенда башланып китәчәк. Татар Борнаенда бу бәйрәмне 13 июньгә, 15.00 сәгатькә билгеләгәннәр (Якты күл буенда). Апакта бәйрәм 30 майга 10.00 сәгатькә билгеләнгән. Ә Хузангайда 30 майда Уявны бәйрәм итәчәкләр.