Бугун, 21 июнь куни Олий Мажлис Сенатининг 20-ялпи мажлисида давлат раҳбари маҳаллий депутатлар кенгаши фаолиятига тўхталди. «Ҳокимларни маҳаллий кенгаш раислиги лавозимидан озод қилишни кўриб чиқяпмиз. Бундан мақсад, баҳс учун, назорат учун шароит яратиш. Депутатларнинг ижро фаолиятини назорат қилишга салоҳияти етадими? Улар савол беришни биладими ўзи? Бу алоҳида масала. Улар умумий планда ишлаяпти, аниқ таклифлар йўқ. Узоқ йиллар давомида қанча кам таклиф берилса, шунча яхши қабилида иш тутиб келдик. Сенаторлар маҳаллий кенгашлардаги депутатлар фаолиятини назорат қиляптими ўзи? Қайси кенгашни намуна қилиб кўрсата оласизлар менга?», деди президент.
