Полина Гагарина “Евровидение”дә икенче урынны яулады
Җиңүче булып Швециядән Монс Сельмерлев танылды.
Ул 365 балл җыйды. «A Million Voices» җыры Гагаринага 303 балл җыярга мөмкинлек бирде. Әзәрбайҗан, Армения, Белоруссия, Германия, Эстония аны 12 балл белән бәяләде. Нибары ике ил генә Полинаның җырына битарафлык белдерде. Өченче урынга Италия триосы лаек булды.
Гагарина тавыш бирүнең беренче яртысында лидерлыкны биләде, әмма соңрак Монс аны узып китте. Бәйге нәтиҗәләре букмекерларның фаразлары белән тулысынча туры килде.