Православие динендәге Федор дәдәй мәчетне карап тота

 Зәй районы Кадер авылында яшәүче Федор Архипов элек-электән оста бакчачы, умартачы булган. Ул әле дә авыл халкын сортлы агач үсентеләре белән тәэмин итеп тора. Кадерлеләр аннан алган виноград үсентеләре яхшы уңыш бирә, диләр. Алай гына да түгел, ил агасы авылның мәчетен карап күз уңында тота. Кадерлеләр Федор дәдәйнең бу игелекле эшенә бик рәхмәтле.