Исеме җисеменә тиң китап
”Зәй офыклары” газетасы белән актив хезмәттәшлек итүче, “Зәй энҗеләре” әдәби берләшмәсе, “Сөмбелә” аралашу клублары әгъзасы, җирле шагыйрә Халидә Садыйкованың “Хыял кошым” дип исемләнгән китабы дөнья күрде. Тормыш сынаулары, чыныгулар аның күңеленә шигырь орлыгы сала. “Хыял кошым” дип аталган китабының исеме җисеменә тиң: басмада Халидә ханымның эчке кичерешләре, шатлык-борчулары, балалары-оныкларын яратуы, дусларына хөрмәте яктыртылган. Дөресрәге, җыентыкта аның үткәне, бүгенгесе, киләчәге... Авторга хатын-кыз күңелен, хис-тойгыларын, кичерешләрен тоемлау хас.