Сезгә десант төштеме?
27 май – Китапханәләр көне уңаеннан, шәһәр һәм район китапханәләре буенча библиодесант юлга чыкты, дип хәбәр итәләр Үзәк китапханәдән.
Әлеге китапханә һәм шәһәрнең 2нче филиалы хезмәткәрләре махсус тектерелгән футболкалар киеп, Түбән Чыршылы, Куакбаш, Яңа Чыршылы, Зәй-Каратай һәм шәһәрдә Балалар китапханәсендә, 3нче филиал китапханәләрендә булып, укучылар өчен кызыклы викторина, конкурс, уеннар оештырганнар. Киткәндә истәлеккә бүләкләр дә калдырганнар.