Бүләк өстенә бүләк
“Каенкай” приютында тәрбияләнүче балалар Татарстан Республикасы Социаль яклау, хезмәт һәм мәшгульлек министрлыгы үткәргән “Минем яратуга хокукым бар” дигән рәсем конкурсында катнашканнар.
Инде нәтиҗәләр билгеле: Яна Хәйруллина, Кристина Протасова, Арина Антонова, Алена Кисилеваның эшләре бүләккә лаек дип табылган. Кызларны бүләкләү өчен Казанга, бала хокуклары буенча вәкаләтле вәкил аппаратына чакырганнар.
Ә 1 июньдә приютта яшәүчеләр кабат башкалабызга, бу юлы “Әкият” курчак театрына барачак. Аларга мондый мөмкинлекне Хәйруллин Хәйрия фонды бүләк иткән.