“Троица”ны бәйрәм иттеләр
Садиково, Демидовка һәм Хлебодаровка мәдәният йортлары хезмәткәрләре авыл халкы өчен “Троица” бәйрәме үткәрделәр.
Рус халкының милли киемнәренә киенгән алып баручылар төрле күңелле уеннар, бәйгеләр оештырдылар. Бәйрәмдә катнашучылар рус халык җырларын башкардылар, биеделәр, хороводта әйләнделәр. Җәен авылда эш-мәшәкатьнең чиге юк. Эш арасында вакыт табып бәйрәм итеп алу исә кешеләрнең күңелен күтәреп, дәртләндереп җибәрде.