Имтихан вакытында укучы кызның хәле начарланган
Укучы кызның имтихан барышында хәле начарлангач, ашыгыч медицина ярдәмен чакырталар.
Бу хәл Буадагы Р. З. Сәгъдиев исемендәге мәктәптә була. Кызның кан басымы һәм тән температурасы күтәрелгән булып чыга.
Хәле әйбәтләнгәч, кызны өенә кайтарып җибәрәләр. Хәзер аңа имтиханны резерв көндә тапшырырга туры киләчәк.