Փարիզի արվարձանում ռեփեր Booba-ի տեսահոլովակի նկարահանումները հրաձգությամբ են ավարտվել

Լույս չորեքշաբթի Փարիզի Օնե սու Բուա արվարձանում ֆրանսիացի ռեփեր Booba-ի տեսահոլովակի նկարահանումներն ավարտվել են հրաձգությամբ, որի հետևանքով երեք մարդ, այդ թվում՝ տեսահոլովակի ռեժիսորը տուժել են, հայտնում է Europe1 ռադիոկայանը:

Միջադեպը տեղի է ունեցել լքված պահեստներից մեկի տարածքում: Նկարահանման հրապարակ են այցելել մոտ 2 տասնյակ մարդիկ, որոնք ցանկացել են կռվի բռնվել ռեփերի հետ: Այդ պահին արդեն ռեփերը տեղում չի եղել, և «հյուրերը» սկսել են կրակել ու բեյսբոլի մահակներով ծեծել նկարահանման խմբի անդամներին:

Ոստիկանությունը հետաքննություն է անցկացնում: