Марказий банк бундан кейин валюта курсини белгиламайди

Марказий банк бундан кейин валюта сотиш ва сотиб олиш нархларини белгиламайди, энди буни сотувчи ва сотиб олувчилар ўзлари белгилайдилар.

Бу ҳақида Марказий банк раиси Мамаризо Нурмуратов кеча бўлиб ўтган матбуот анжуманида маълум қилди.

Раиснинг сўзларига кўра, долларнинг 0,5 фоизлик тебраниш чегарасини бекор қилиш ҳақида қарор қабул қилинди. Бундан кейин валюта сотиш ва сотиб олиш нархларини Марказий банк белгиламайди, бу нарх бозорда мустақил шаклланади. Бу – объектив иқтисодий зарурат. Миллий валютанинг қадрсизланиши Америкадан бошқа ҳамма мамлакатларда кузатиляпти

Эслатиб ўтамиз, бугун доллар расмий курси 9450 сўмга етди.