Хитойда юрак хасталигига учраган икки эгизакка муваффақиятли тарзда янги юрак ўрнатилди…
Хитойнинг Хубэй вилоятига қарашли Ухань шаҳрида 2016 йили туғилган икки эгизак ўғил болага нисбатан ташкил этилган юрак трансплантацияси муваффақиятли якунланди. Эгизаклар туғма дилатацион кардиомиопатия хасталиги билан оғриган, шубҳасиз, ҳаёти хавф остида эди. Эгизакларнинг кенжаси Лэлэ, айниқса, туғилганданоқ акасига қараганда кўпроқ қийналган. 2017 йили унга пневмония ҳам чиппа ёпишганди. Хайрият, худо уларга шафқат қилди. Қолаверса, врачларнинг саъй-ҳаракатлари билан болажонларнинг ҳаёти сақлаб қолинди.