Զովունի գյուղում Toyota-ն դուրս է եկել երթևեկելի հատվածից և բախվել քարե պարսպին. կան վիրավորներ. Shamshyan.com
Հոկտեմբերի 10-ին խոշոր ավտովթար է տեղի ունեցել Կոտայքի մարզրւմ։ Ժամը 17։30-ի սահմաններում Զովունի գյուղի բնակիչ՝ 29-ամյա Ելենա Վ-ն իր վարած Toyota մակնիշի 77 MԼ 001 համարանիշի ավտոմեքենայով Զովունի-Եղվարդ ավտոճանապարհի՝ Զովունի գյուղի վարչական տարածքում դուրս է եկել ճանապարհի երթևեկելի գոտուց, հարվածել երկաթե արգելապատնեշներին, այնուհետև գազատար խողովակների երկաթե հենասյուներին և բախվել Զովունի գյուղի 12-րդ փողոցի 45/1 հասցեի քարե պարսպին։
Ինչպես հայտնում է Shamshyan.com-ը, վթարի հետևանքով վարորդ Ելենա Վ-ն, նրա ուղևորուհի՝ Երևանի բնակիչ, 25-ամյա Լիլի Մ-ն մարմնական վնասվածքներով տեղափոխվել են «Արմենիա» բժշկական կենտրոն։