Հայ բռնցքամարտիկը Գերմանիայում նվաճել է իր առաջին չեմպիոնական տիտղոսը
Գերմանիայի դրոշի ներքո հանդես եկող 33-ամյա հայ բռնցքամարտիկ Արմենակ Հովհաննիսյանը շահել է իր առաջին տիտղոսը պրոֆեսիոնալ ռինգում։
Ինչպես հաղորդում է Rusarminfo-ն, ուկրաինացի Վիկտոր Պոլյակովի հետ 10 մրցափուլից բաղկացած մենամարտից հետո մրցավարների որոշմամբ հաղթող է ճանաչվել հայ մարզիկը և շահել է WBC Asia վարկածով կիսածանր քաշային կարգի չեմպիոնական գոտին։
Արմենակ Հովհաննիսյանը սկսել է բռնցքամարտով զբաղվել 12 տարեկանում, դարձել է Հայաստանի բազմակի չեմպիոն, ելույթ է ունեցել երկրի երիտասարդական և մանկապատանեկան հավաքականների կազմում։ Այնուհետև նա տեղափոխվել է Գերմանիա, որտեղ սկսել է հանդես գալ պրոֆեսիոնալ բռնցքամարտում։