Քրդերը քարեր են նետել Սիրիայից հեռացող ամերիկացի զինվորականների ուղղությամբ (տեսանյութ)
Քրդական լրատվական աղբյուրներից մեկը տեսանյութ է հրապարակել, որում երևում է, թե ինչպես են սիրիական Կամիշլի քաղաքի բնակիչները քարեր և լոլիկներ նետում երկրից հեռացող ամերիկացի զինվորականների ավտոշարասյան ուղղությամբ։
Ինչպես փոխանցում է РИА Новости-ն՝ հղում անելով քրդական աղբյուրին, այդպես տեղի բնակչությունն արձագանքել է ԱՄՆ նախագահ Դոնալդ Թրամփի՝ զորքերը Սիրիայից դեպի Իրաք տեղափոխելու մասին որոշմանը։
Նման որոշում ԱՄՆ ղեկավարը կայացրել էր Սիրիայի հյուսիսային շրջանում Թուրքիայի զինուժի կողմից իրականացվող «Խաղաղության ակունք» ռազմարշավի մեկնարկից հետո։
Հոկտեմբերի 17-ին Թուրքիայի և ԱՄՆ-ի միջև կայացած բանակցությունների արդյունքում որոշում է կայացվել հրադադար հաստատել հինգ օրով, որի ընթացքում քրդական զորամիավորումները պետք է լքեն սահամանմերձ գոտու տարածքը։