Մեծ Բրիտանիայի խորհրդարանը երեքշաբթի կքննարկի Brexit-ի հարցով գործարքը
Մեծ Բրիտանիայի խորհրդարանը երեքշաբթի քննարկումներ կանցկացնի Brexit-ի հարցով ԵՄ-ի հետ կնքվելիք համաձայնագրի շուրջ։ РИА Новости-ի փոխանցմամբ՝ այս մասին հայտնել է Համայնքների պալատի առաջնորդ Ջեյքոբ Ռիզ-Մոգը։
Նրա խոսքով՝ կառավարությունը նախատեսում է Համայքների պալատում փաստաթղթերի ուսումնասիրությունն ավարտել հոկտեմբերի 24-ին։
Ավելի վաղ հաղորդվում էր, որ Համայնքների պալատի խոսնակն այսօր կայացած նիստում մերժել է Brexit-ի մասին կրկնակի վերանայման առաջարկը, որը ներկայացրել է վարչապետ Բորիս Ջոնսոնը։
Երեքշաբթի կքննարկվի համաձայնագրում փոփոխություններ սահմանելու հարցը։ Եթե խորհրդարանականները հավանության արժանացնեն փոփոխությունները, նոր առաջարկը պետք է հաստատվի մինչև ուրբաթ, որպեսզի փաստաթուղթն օրինական դառնա հոկտեմբերի 31-ին։