Көннәр кызу тора
Синоптиклар Татарстанда аномаль кызу көннәр хакимлек итүе турында кисәтә. Татарстан Гидрометеорология һәм әйләнә-тирә мохитне күзәтү идарәсе хәбәр итүенчә, бүген – 22 июньдә, алмашынучан болытлы һава торышы көтелә. Урыны белән кыска вакытлы яңгыр һәм яшен булачак.
Казанда шулай ук яңгыр һәм яшен булу ихтимал. Һава температурасы көндезге сәгатьләрдә 33-35 градус җылы.
23 июньгә каршы төндә яшен һәм кыска вакытлы яңгырлар кабатланырга мөмкин. Һава температурасы 18-23 градус җылы булачак.