Ялчыгол укуларын оештыручы буларак бүләкләнде

Зәйдә язучы, мәгърифәтче Таҗетдин Ялчыгол хөрмәтенә сквер ачылып, аңа истәлек билгесе куелуы турында хәбәр иткән идек. Аны ачу тантанасында имам-мөхтәсиб, “Нур” мәчете имамы Сәгыйть хәзрәт Камаловка күп еллар Зәйдә дин-исламга хезмәт итүе, тарихи мирасны барлавы, гореф-гадәтләрне саклауда зур өлеш кертүе өчен район башкарма комитеты Рәхмәт хаты тапшырылды. Сәгыйть хәзрәт Камалов - районда “Ялчыгол укулары”н оештыручыларның берсе дә. Агымдагы елда ул тагын да колачлырак, Россия шәһәрләреннән дә кунаклар чакырып уздырылачак, ди имам-мөхтәсиб.