13 մթերքներ, որոնք քաղցկեղ են առաջացնում

1. Պոպկորն

Մենք շատ լավ հասկանում ենք, որ չկա ավելի հեշտ բան, քան պոպկորնի փաթեթը մտցնել միկրոալիքային վառարանի մեջ եւ հեռուստացույցի առջեւ նստած համեղ խրթխրթացնել «մերկ քաղցկեղածինը»: Ընկերներ. խղճացե՛ք ձեր խեղճ լյարդին եւ ենթաստամոքսային գեղձին: Պոպկորնն իր բաղադրության մեջ քաղցկեղածին տարրեր ունի, որոնք ստեղծում են սերուցքային կարագի արհեստական ​​համը: «Պոպկորնյան» քաղցկեղածինները չափազանց վտանգավոր են եւ քաղցկեղի համար բարենպաստ միջավայր են ստեղծում:

2. Բանջարեղեն եւ մրգեր` թունաքիմիկատների բարձր պարունակությամբ

Բանջարեղենն ու մրգերը լավ են առողջության համար: Այո, դա այդպես է: Սակայն քիմիական պարարտանյութերի օգտագործումը դրանց աճեցման ժամանակ եւ ավելի լավ տեսք ունենալու համար դրանց մակերեսին անօրգանական նյութերի ցնցուղումը բնության օգտակար պարգեւները դարձնում են առողջության իրական ոչնչացնողներ:

Առաջին հերթին «հանցագործներ» են համարվում խնձորը, նարինջը, ելակը եւ խաղողը: Այնպես որ, մրգերն ու բանջարեղենը մշտապես մանրակրկիտ լվացեք, բայց իմացեք, որ դա ամբողջությամբ չի ազատում ձեզ վնասակար նյութերից, որոնք պարունակվում են նրանց մեջ:

3. Պահածոյացված լոլիկ

Մեզանից շատերը գիտեն, որ լոլիկում պարունակվող լիկոպինը հզոր անտիօքսիդանտ է եւ բարերար ազդեցություն է ունենում առողջության վրա: Բայց (!) մետաղյա բանկաներում պոմիդորը պահածոյացնելիս քիմիական նյութերը ոչնչացնում են լիկոպինը: Ավելին, այդ նյութերն արհեստականորեն սրտի քաղցկեղ են առաջ բերում եւ օրգանիզմում վերարտադրողական խնդիրներ ստեղծում:

4. Երշիկեղեն, պահածոյացված միս

Շատ դժվար է հրաժարվել երշիկով համեղ սենդվիչից: Իսկ որքան հարմար է շոգեխաշուկից «արագ» ճաշ պատրաստել: Բայց, ցավոք քիմիկատներով մշակված մսամթերքի մշտական ​​օգտագործումն օրգանիզմին շատ մեծ վնաս է հասցնում: Սա վերաբերում է ապխտած մսերին եւ շոգեխաշուկին, որոնց առողջ ապրելակերպի կողմնակիցները «լեշ» են անվանում: Եվ իզուր չէ: Մսի պահածոյացման ժամանակ օգտագործվում են քիմիական նյութեր, համանման նրանց, որոնք պարունակվում են ծխախոտի մեջ: Սրա շնորհիվ պահածոյացված միսը եւ երշիկները պահպանում են գեղեցիկ տեսքը, բայց օրգանիզմի համար օգտակար մթերք չեն համարվում:

Մարդիկ, ովքեր ամեն օր օգտագործում են նույնիսկ 160 գրամ պահածոյացված միս, ապխտած երշիկ, նրանց մոտ քաղցկեղով հիվանդանալու հավանականությունը 44%-ով ավելի մեծ է, քան մարդկանց մոտ, ովքեր մեկ օրում ոչ ավելի, քան 100-120 գրամ քաղցկեղածին միս են ուտում կամ ընդհանրապես չեն ուտում: Նմանատիպ ուսումնասիրություններն անցկացվել են Միացյալ Նահանգների գիտնականների կողմից:

5. Կարտոֆիլի չիպսեր

Շատերի կողմից սիրված կարտոֆիլի չիպսերը կարող են մահացու վտանգավոր լինել: Չիպսերը բավական կալորիական են եւ չափից ավելի շատ օգտագործելը կարող է զգալիորեն ավելացնել ձեր քաշը: Ինչպես նաեւ նրանք պարունակում են նատրիումի մեծ չափաբաժին, արհեստական ​​հավելումներ եւ անուշահամ նյութեր: «Քիմիական» այս փունջը բարձրացնում է արյան ճնշումը եւ բարենպաստ միջավայր է ստեղծում քաղցկեղի զարգացման համար:

6. Ռաֆինացված բուսական յուղեր

Սնունդ պատրաստելիս մենք հաճախ ենք օգտագործում ռաֆինացված կամ հոտազերծված յուղեր, որոնք շատ են տարբերվում իրենց բնական համանմանից` բնական բուսական (ձիթապտղի, ցորենի, սոյայի, կտավատի եւ այլն) յուղից: Հիդրոգենացված յուղը չափազանց վտանգավոր է առողջության համար, քանի որ այն պարունակում է շատ կոնսերվանտներ:

7. Աղ դրած, մարինացված եւ ապխտած սնունդ

Որքան համեղ է մարինացված վարունգը խրթխրթում ատամների տակ կամ ձեռքը ձգվում դեպի ապխտած երշիկը կամ ձուկը: Մենք չենք մտածում, թե ինչքան վնասակար են դրանք: Այդ մթերքները մշակվում են նիտրատ եւ այլ վնասակար քիմիական նյութեր օգտագործելով: Ավելին, ապխտած շատ մթերքներում ձյութ է պարունակվում:

Այս մթերքների չափից շատ օգտագործումը բարենպաստ միջավայր է ստեղծում ստամոքսի եւ ենթաստամոքսային գեղձի քաղցկեղի զարգացման համար:

8. Սպիտակ ալյուր

Ձյունաճերմակ «փափուկ» ալյուրը պատրաստվում է քիմիական սպիտակեցման ճանապարհով` օգտագործելով գազային քլոր եւ ածխաջրածին, որոնք սպանում են այս մթերքում առկա գրեթե բոլոր արժեքավոր նյութերը: Բացի այդ, քլորը չափազանց վնասակար է օրգանիզմի համար: Սպիտակ ալյուրից պատրաստված արտադրանքի մշտական ​​օգտագործումը նպաստում է արյան մեջ շաքարի բարձրացմանը եւ բարենպաստ միջավայր է ստեղծում քաղցկեղի զարգացման համար, քանի որ քաղցկեղը «սնվում» է շաքարով…

9. Գենետիկորեն ձեւափոխված մթերքներ (ԳՁՕ)

Գենետիկորեն ձեւափոխված օրգանիզմներն այն են, որոնց գենետիկ կոդում «ներառվել են» օտար գեներ: Իսկ ինչու՞: Պատասխանը շատ պարզ է. գիտնականները որոշել են փրկել մեզ սովից: Սկզբունքորեն ճիշտ, քանի որ այս պարագայում լոլիկը կարող է աճել նույնիսկ հեռավոր հյուսիսում, իսկ կարտոֆիլի բերքը չի կրճատվի կոլորադյան բզեզների պատճառով:

Ըստ վիճակագրության 1996 թվականին, երբ Ամերիկայում սկսեցին ԳՁՕ ներդնել, քաղցկեղով հիվանդացության մակարդակը 9 տարվա ընթացքում աճեց 7%-ից մինչեւ 13%: Աուտիզմ` երեխաների մոտ, ալերգիկ ռեակցիաներ, իմունային համակարգի հիվանդություններ… սա հիվանդությունների դեռ ամբողջական ցանկը չէ, որն առաջանում է գենետիկորեն ձեւափոխված սննդից:

10. Ռաֆինացված շաքար

Մենք արդեն նշել ենք, որ քաղցկեղի բջիջներն անտարբեր չեն շաքարի նկատմամբ, բայց ռաֆինացված շաքարն ինչպես մեզ, այնպես էլ նրանց համար ամենահամեղ անուշեղենն է: Հետեւաբար, քաղցկեղով հիվանդացության մակարդակը քաղցրակերների մոտ չափազանց բարձր է:

11. Արհեստական քաղցրացուցիչներ

Ասպարտամ, կալիումի ացեսուլֆամ, սուկրալոզա, ստեվիա. շաքարի արհեստական ​​փոխարինողներն «աշխատում են» որպես ռումբ: Հատկապես վտանգավոր են ֆրուկտոզայով հարուստ քաղցրացուցիչները, օրինակ եգիպտացորենի օշարակը, քանի որ դա արդեն ապացուցվել է, որ քաղցկեղի բջիջներն այն հեշտությամբ եւ արագ են յուրացնում:

12. Ալկոհոլ

Ալկոհոլը ծխելուց հետո քաղցկեղի առաջացման երկրորդ առաջատար պատճառ է հանդիսանում: Նրա չափից ավելի օգտագործումը կարող է հանգեցնել սրտի անբավարարության, կաթվածի եւ նույնիսկ անսպասելի մահվան: Բացի այդ, ալկոհոլիզմն առաջացնում է կոկորդի, հաստ աղիքի, լյարդի, կրծքագեղձի քաղկեղ…

13. Ոչ ալկոհոլային գազավորված ըմպելիքներ

Ցանկացած գազավորված ըմպելիք պարունակում է սոդա+բազմաթիվ քաղցկեղածիններ, բուրավետ եւ քաղցրացնող նյութեր: Սախարինը եւ կալիումի ացեսուլֆամը, որոնք մտնում են «անվնաս» գազավորված ըմպելիքների բաղադրության մեջ, կարող են առաջացնել տարբեր հիվանդություններ, այդ թվում եւ քաղցկեղ, իսկ ասպարտամը հաճախ գլխացավերի, հոգնածության, սրտի խփոցի, դեպրեսիայի պատճառ է դառնում:

The post 13 մթերքներ, որոնք քաղցկեղ են առաջացնում appeared first on ԳԱԼԱ.