ОЛМАНИНГ ОРГАНИЗМГА ЗАРАРИ…
Барча билади. Ҳар куни иккитадан олма истеъмол қилиш қон томирлар ҳолатини яхшилайди. Қон айланиш жараёни меъёрида бўлади. Гемоглабин кўтарилади. Иммунитет кўтарилади. Одам юрак хасталиклари, инсульт хавфидан нари бўлади. Бу хасталикларга чалинганларнинг юраги яхши ишлайди. Аммо германиялик эксперт Маркус Фелбер олманинг организмга нафақат фойдаси, балки зарари ҳам борлигини таъкидлади. Унинг айтишича, овқатланиб бўлибоқ олма ейиш тишларни ишдан чиқараркан. Чунки тишлар ўзини кариесдан ҳимоя қилувчи кислотали қопламага эга. Овқат истеъмоли пайтида бу қоплама мустаҳкамлик бўйича алоҳида синовдан ўтади. Орадан 30 дақиқа ўтгачгина илгариги мустаҳкам ҳолига қайтади. Агар овқат еб бўлибоқ олма ейишга ўтилса, шу қоплама тешилиб қолиш жараёни юз беради. Шунинг учун эксперт олмани овқат истеъмолидан кейин камида 30 дақиқа ўтибгина ейиш кераклигини уқтириб қолади.