Зәй юлчылары көнне төнгә ялгап эшли
“Татнефтедор” автомобиль юллары идарәсенең Зәй филиалы юлчылары агымдагы елда “Юл фонды” , “Асфальт юлларны төзекләндерү”, “Урам-юл челтәрен тәртипкә китерү” республика программалары буенча эшчәнлек алып бара. “Юл фонды” программасы буенча эш тәмамланган инде. Әлеге программа кысаларында Иске Тәкмәк, Бүре-Сарай, Поповка, Үтәшкин аылларында өлешчә юллар төзекләндерелде. Юлчылар калган ике программа буенча эшчәнлекне дәвам итә.