Փորձագետները հաստատել են Վան Գոգի «մտահոգ» ինքնադիմանկարի իսկությունը
Վինսենթ վան Գոգի՝ մտահոգ տեսքով ինքնադիմանկարը տարիներ տևած ուսումնասիրությունների արդյունքում իրական է ճանաչվել:
Ինչպես ներկայացնում է BBC News-ը, փորձագետները պարզել են, որ 1889 թվականին արված ինքնանկարը միակ նկարն է, որը հոլանդացի վարպետը պատկերել է հոգեկան խանգարման պահին: Դիմանկարի իսկությունը հաստատվել է Ամստերդամում` Վան Գոգի թանգարանի կողմից:
Փորձագետները պարզել են, որ Վան Գոգն իր դիմանկարը պատկերել է Ֆրանսիայի Սեն Ռեմիի հոգեբուժարանում գտնված օրերին, 1889 թվականի ամռանը:
Նկարի իսկության վերաբերյալ կասկածներ էին ի հայտ եկել 1970-ականներին, երբ Օսլոյի Ազգային պատկերասրահը, որտեղ գտնվում էր արվեստի գործը, այն ուղարկել էր հոլանդացի փորձագետներին՝ ուսումնասիրություն անելու: